في طريق عودته من سباتة ومنطقة افريقيا وعين الشق وشارع الشجر بالدار البيضاء، مر الملك محمد السادس من شارع الزرقطوني بمدينة الدار البيضاء، في الساعة الواحدة والنصف بعد منتصف ليلة أمس، والتقى الفنانة المغربية سميرة بلحاج، التي أكدت أنها كانت رفقة زوجها سامر في السيارة، “وبان لينا الشارع فيه البوليس وعلى غير طبيعته، وهو يقول ليا سامر، واقيلا سيدنا غادي يدوز من هنا، ماكاملاش خمس دقائق حتى كان حدانا”.
وأضافت الفنانة المغربية، في اتصال مع صفحة محمد السادس على الفايسبوك التي يديرها سفيان البحري: «بقينا غاديين معاه فالطريق وكانتكلمو، قلت لو أنا الفنانة سميرة بلحاج ومن بعد وقّف سيدنا سيارتو، هبطنا عندو وهو يسولني شنو كاتغني؟ قلت لو أنا صاحبة أغنية “واعرة بلادي”. تبسم وقال لي تبارك الله عليك، كلامو كان حنين ماتخيّلش الإحساس اللي حسيتو”.
وذكرت الفنانة أن زوجها قال للملك: “أنا فرحان بزاف أول مرة نشوفك مباشرة، وسيدنا لاحظ اختلاف اللهجة ديال سامر وسول على الجنسية ديالو وقلنا لو لبناني”.
وأخبرت الفنانة المغربية سميرة بلحاج المصدر ذاته: «قلت لو عندي جوج بنيتات، وريتو صورة بنتي فالبورطابل، قال ليا شحال عندها؟ قلت لو عندها 7 سنين والثانية يلاّه ولدتها هادي 15 يوم… خدينا صورة تذكارية مع ملكنا”.
